Table of Contents
Við keyptum okkur sous vide tæki frá Anova um daginn og höfum verið að prófa okkur áfram með mismunandi hráefni.
Hollur morgunmatur eða millimál er mikilvægt til að halda orkunni út daginn og þessar eggjamúffur eru hið fullkomna nesti.
Ef þið eigið ekki sous vide tæki er einnig hægt að gera sömu uppskrift í potti eða ofni
Byrjum á að setja vatn í pottinn og tækið ofaní stillt á um 78 gráður.
Búum til eggjablönduna, við notum Nutribulllet tækið en ekkert mál að hræra vel saman.
Eggjablandan:
6 egg
1/4 bolli rjómaostur eða rjómi
Rifinn ostur
Salt, pipar og krydd eftir smekk
Setjið ykkar uppáhalds fyllingu ofaní krukkurnar og fyllið svo upp með eggjablöndunni
Hugmyndir að fyllingu:
Skinkubitar
Beikonbitar
Tómatar
Paprika
Piparostur
Beikon er í miklu uppáhaldi og varð fyrir valinu í þetta skiptið. Ég elda beikonið alltaf í ofninn á bökunarpappír, það tryggir jafna eldun og engin þrif
Lokum krukkunni með þéttihringnum á.
Setjum krukkunar varlega með góðum töngum ofaní vatnið.
Við notum Anova appið til að fletta upp uppskriftinni sem stillir tímann og hitann sjálfkrafa og tækið pípir svo þegar eggjamúffunar eru tilbúnar.
Voila!!
Tilbúið í nestið, sem millimál og tilvalið fyrir börnin líka