Kúrbítsnúðlur er frábær kolvetnaskertur kostur í staðinn fyrir pasta eða hefbundnar núðlur. Þessi réttur er fljótlegur og ljúffengur í hádeginu eða í kvöldmat.
Skolið kúrbítinn og rífið hann niður í núðlur.
Ég á svona yddara frá Westmark sérstaklega fyrir grænmeti sem er algjör snilld. Það er hægt að velja um tvær þykktir á ræmunum eftir því hvaða rétt þið eruð að gera.
Ég keypti minn í Hagkaup!
Skerið niður sveppi og steikið á pönnu með smjöri og hvítlauksdufti.
Setjið annað álegg sem þið viljið hafa með en möguleikarnir eru endalausir.
Kjúklingur og skinka er í miklu uppáhaldi hjá mér með þessum rétti eða brokkolí þegar ég vil meira grænmeti.
Bætið rjóma á pönnuna og rífið niður mexíkóost yfir og kryddið með svörtum pipar.
Þegar osturinn er allur bráðnaður skellið þá kúrbítnum útá pönnuna og leyfið honum bara að hitna í gegn.
Setjið í skál og njótið.
