Lakkrís ísinn sem slær öll met! Einfaldur en afar ljúfengur.
Heita súkkulaði og lakkríssósan er himneskt útá hvaða ís sem er!
Nellie Dellies molarnir innihalda stevíu og eru því fínn sykurlaus kostur þegar við viljum geta notið gotterís án samviskubits.
Byrjum á því að gera lakkrís karamelluna.
Setjið 2 dl af rjóma í pott og Nellie dellie lakkrísmola ofaní. Ég notaði rúmlega hálfan poka.
Hitið á miðlungs hita þar til allir molarnir eru bráðnaðir. Passið að hræra allan tímann og ekki skreppa frá pottinum.
Setjið eggjarauður í skálina fyrir hrærivélina ásamt sætu að eigin vali.
Þeytið vel þar til blandan er orðin létt og ljós.
Bætið við smávegis af lakkrís karamellunni útí og þeytið vel.
Þeytið 500 ml af rjóma og blandið varlega út í með sleikju.
Leggið í mót og setjið restina af lakkrís karamellunni yfir áður en þið setjið ísinn í frystinn.
Best er að leyfa ísnum aðeins að jafna sig við stofuhita í um korter áður en hann er borðaður.
Heit súkkulaði/ Lakkrís sósa:
2 dl rjómi settur í pott
1 dl saxað sykurlaust súkkulaði
8-10 Nellie dellie molar
Bræðið allt saman í potti á miðlungs hita á meðan ísínn er að jafna sig eftir frystinn.
Berið fram heita með ísnum.
