Ostakökumús með súkkulaði svíkur engan en ég geri súkkulaði smyrju reglulega og á í ísskáp fyrir allskonar tilefni.
Súkkulaðismyrjan er fullkomin ofaná vöfflur eða hituð lítilega og notuð sem heit íssósa ofaná góðan ís.
Setjið allt sem þarf í súkkulaðismyrjuna í lítinn pott og hitið á miðlungs hita þar til allt súkkulaðið er bráðnað og sósan farin að þykkna.
Kælið í ísskáp þar sem hún þykknar.
Setjið innihaldið úr einni mascapone dós í hrærivél og þeytið vel ásamt sýrópi og vanilludropum.
Bætið við 1 og hálfum dl af smyrjunni útí og þeytið þar til allt er vel blandað og silkimjúkt.
Sprautið blöndunni í falleg glös og geymið í kæli þar til tími er kominn á góðan eftirrétt.
